Оқуға қамдан, оралман

«Шетелдегі қазақ диаспорасы мен оралмандар барлығы – 800 бала биылғы білім гранты бойынша жоғары оқу орындарына түсті», - дейді Дүниежүзі қазақтары қауымдастығы төрағасының орынбасары Сұлтанәлі Балғабаев. Енді дайындық бөліміне қабылданатын 1500 орынға іріктеу жұмыстары жүргізілуде. Ал оған түсе алмаған балаларға ақылы бөлімге тапсыруға болады. Оның ақысы, басқа шетел азаматтарына қарағанда жеңілдеу болады.

«Бұл дайындық бөлімдеріне оқуға түскен балалар жатақханамен, аздаған шәкіртақымен қамтамасыз етіледі. Бірақ бұл сол 1500 бала түгел оқуға түседі деген сөз емес. Оларды тек оқуға дайындайды. Оны бітірген соң, жұрт қатарлы, тест арқылы емтихан тапсырады. Егер жинаған балы бойынша, білім деңгейі жоғары болса, жалпы конкурсқа өтеді, ал төмен болса, екі пайызға ілігеді. Сөйтіп 1500 баланың жылына 300-400-і оқуға түседі».