Ауа райы болжамы

Синоптиктер хабарлағандай, 2008 жылдың қыркүйегіндегі ауаның температурасы көп жылдық нормамен салыстырғанда 1-2 градусқа жоғары болмақ. Жауын-шашынның негізгі бөлігі - айдың екінші онкүндігінде түседі деп болжанып отыр. Ал айдың соңында ауаның температурасы, тіпті 20-25 градусқа дейін көтеріледі.

Күз мезгілінің алғашқы айы солтүстік қазақстан облысының тұрғындарына құбылмалы ауа райын сыйламақ. Айдың басында ауа температурасы 0-2 градусқа дейін төмендеп, қатқақ болады. Күн райының салқындап кеткені қазірдің өзінде-ақ, байқалып тұр. Ал диқандар бұл кезде өз егіндерін шығынсыз жинай алады. Себебі жауын-шашын мөлшері де аз болады. Сондай-ақ күз мезгіліне сай алғашқы он күндіктің соңында тұман түсуі мүмкін.

СНХР: Зайна Құлжабаева
ТИТР: СҚО гидрометеорология орталығының инженер-синоптигі
(Айдың 2 жартысында температура 20-22 градус жылы болады. Бұл көп жылдық нормадан 1-2 грдаусқа жоғары. Бірақ, айдың екінші бөлігінде жаңбыр жауады. Батыстан соққан желдің жылдамдығы 15-20 метрді құрайды.)

Жерлестеріміз үшін оңтайлысы - айдың соңғы күндері - деген болжам бар. Күн көзінің жылуынан термометр көрсеткіші 20-25 ке дейін жоғарылайды. Қыркүйек айында күннің мұнша жылынуы осыдан 4 жыл бұрын 2004 жылы 3-ші қыркүйегінде тіркелген. Ол кезде ауа температурасы 34 грдаусқа дейін ысыса, қыркүйектің ызғардлы күні 1955 жылдың еншісінде. Ол кезде термометр -6 градусты көрсеткен екен.