Қызылордалық диқандар күрішті аэропланмен егуді қолға алуда

Осы күндері Сыр бойына аспаннан ақ маржан жауып жатыр. Қызылордалық диқандар күрішті трактормен емес, аэропланмен егуді қолға ала бастады. АН-2 ұшағына 1 тонна 200 келі күріш сыяды. Аэроплан 500 гектар жерге күрішті небәрі бір аптада сеуіп өтеді. Мұндай тәсіл тиімді, - дейді шаруалар.

Жаңалықтар «ЭРА телеарнасы», 13.05.09 ж, 21:00 /Үйтолған Жарекеева/
Осы күндері Сыр бойына аспаннан ақ маржан жауып жатыр. Қызылордалық диқандар күрішті трактормен емес, аэропланмен егуді қолға ала бастады. Шаруалардың ойлап тапқан әдісімен біздің тілшіміз де танысып қайтты.

АН-2 ұшағына 1 тонна 200 келі күріш сыяды. Аэроплан 500 гектар жерге күрішті небәрі бір аптада сеуіп өтеді. Мұндай тәсіл тиімді, - дейді шаруалар.

ҚЫЛЫШБЕК ӘБІШЕВ – «ЖАҢА ЖОЛ» ЖШС ТӨРАҒАСЫ:
- Биыл гектарына 60 центнерден өнім алуды жоспарлап отырмыз. Ен сол үшін күресеміз.
Сәтін салса, серіктестік қожайыны күзде 30 мың центнер маржанның астында қалады. Өйткені, былтыр сыннан өткізген мұндай тәсіл нәтижелі болды. Сондықтан, болашақта өңірде жаппай қолданыс табуы мүмкін.

БАҚЫТ ЖАҚАНОВ - ОБЛЫСТЫҚ АУЫЛ ШАРУАШЫЛЫҒЫ БАСҚАРМАСЫНЫҢ БАСТЫҒЫ:
- Диқандар амал жоқтықтан осыған барып отыр. Бұрынғы әдіс алдымен дән сеуіп соңынан суға бастыру кезінде қиындықтар туатын. Ал бұл тәсілдің тиімділігі - көктемгі мол су кезінде егіс алқаптарын суға толтырып алады да, аэропланмен дән үстінен себіледі.

Жаңа әдіс алдымен шаруалардың уақытын, содан соң шығынын үнемдейді. Диқандар бұл күріштің нарықтағы бағасын төмендетуге септігін тигізеді деп отыр.

Жаңалықтар «ЭРА телеарнасы», 13.05.09 ж, 21:00