Үш аяқты балапан

Қостанайда тосын оқиға тіркелді. Құс фермаларының бірінде үш аяқты балапан дүниеге келді. Балапан әдеттегідей сарғылт емес, қара түсті. Құс баптаушыларды бәрінен бұрын таң қалдырып отырғаны - қос аяғына қоса, арқа тұсына тағы бір сирақ біткен.

Жаңалықтар «ЭРА телеарнасы», 19.05.09 ж, 21:00
Қостанайда тосын оқиға тіркелді. Құс фермаларының бірінде үш аяқты балапан дүниеге келді. Балапан әдеттегідей сарғылт емес, қара түсті. Құс баптаушыларды бәрінен бұрын таң қалдырып отырғаны - қос аяғына қоса, арқа тұсына тағы бір сирақ біткен. Мамандардың пайымдауынша, балапан-мутанттың дүниеге келуі экологиялық ахуалдың мәз еместігінен. Бұл өңірде кемістігі бар балапандардың тууы жаңалық емес. Сәйкесінше, жергілікті ветеринарлық зертхананың кунсткамерасында сан алуан экспонаттар сақтаулы. Онда бір көзді торай, 5 аяқты бұзау, екібасты торпақ және басқа да үй хайуанаттарының тұлыптары бар. Мал дәрігерлерінің айтуынша, үш аяқты балапан да осы қатарды толықтырады .