Қазқақстандық "Ирокез"

Құнды дүние Есіл өзенінің жағалауынан шыққан. Тастан ойып жасалған адамның бас келбетіне қарап, археологтар бұл еуропеоид нәсілді жігіттің мүсіні деп болжауда. Қола немесе темір дәуірінде өмір сүрген адамның шашы ғалымдарды таңдандырып отыр.

Жаңалықтар «ЭРА телеарнасы», 03.08.09 ж, 21:00
Қызылжарлық археологтар тауық жұмыртқасының көлеміндей тас мүсін тауып алды. Құнды дүние Есіл өзенінің жағалауынан шыққан. Тастан ойып жасалған адамның бас келбетіне қарап, археологтар бұл еуропеоид нәсілді жігіттің мүсіні деп болжауда.
Қола немесе темір дәуірінде өмір сүрген адамның шашы ғалымдарды таңдандырып отыр. Ол қазіргі заманғы панктердің шашына өте ұқсас екен. Мамандар бұл көркем туындыны «құнды жәдігер» қатарына қосты. Негізінен мұндай мүсін бұл өңірде бұрын да кездескен. Соңғысы - Қостанай облысынан шықты. «Ирокез» деген атауға ие дәл осындай мүсіннің әлем бойынша оншақтысы табылған. Қазір мүсін қайта қалпына келтірілуде.
АНАТОЛИЙ ПЛЕШАКОВ, АРХЕОЛОГ: «Шаш үлгісі қазіргі заманғы шаштарға ұқсайды. Көздеріне де тас қойылған. Еріндері жасалған. Жанды мүсін сияқты. Мұндай мүсіннің қазір 10-ы бар. Мұның бәрі бөлек ғылыми жұмыс жасауды талап етеді, тіпті көтеруге тұрарлық тақырып сияқты».