17 мамыр

2003 жылы Қазақстанда индустриалды-инновациялық стратегия қабылданды. 1930 жылы Мірғалымсай қорғасын-мырыш кен орны ашылды. 17 мамыр - халықаралық электр байланысы күні 1986 жылы КОКП ор. комитеті "тұрғын үй мәселесін шешу бағыттары" туралы қаулы қабылдады. 1919 жылы КСРО-да саяси тұтқындарға арналған алғашқы лагерлер пайда болды. 1846 жылы Адольф Сакс саксафонды патенттеді. 1919 жылы Кеңес Одағының батыры Нүркен Әбдіріов туды. 1155 жылы Шыңғыс хан туды.

17 мамыр.
Қазақстан 2003 жылы индустриалды- инновациялық даму стратегиясын қабылдады. Құжатқа сәйкес еліміз мұнай мен басқа қазба байлықтарын емес, жоғары технология саласын басты назарға алуы тиіс. Үкімет 15 жылдың ішінде Жалпы ішкі өнімнің көлемін 3,5 есеге өсіруді жоспарлап отыр.
2003 жылы 17 мамырда ел басы «ҚР 2003-2015 жылдарға арналған индустриалды-иновациялық даму Стратегиясы туралы» қаулыға қол қойды. Стратегияның бір бабында жергілікті жерлердегі ғылыми өндірістер жайында айтылған болатын. Осыған сәйкес барлық облыстардың басшылығы жаңа жоғары технологиялық кәсіпорындар ашу туралы бағдарламалар дайындады. Олар ашылды ма екен?
Анықтама үшін. Стратегияны жүзеге асыру аясында Ұлттық инновациялық қор құрылды. 2005 жылдың 1 наурызана дейін қаржыландыру жөнінде 259 өтініш келіп түсті. Қазір 20 жоба қаржыландырылуда. (жалпы бағасы 14 840 млн теңге) Аймақтарда бұл жобалармен рационализаторлар мен ғылыми ұжымдар айналысуы мүмкін.

1930 жыл, 17 мамыр. Мірғалымсай қорғасын-мырыш кен орны ашылды. Кейін келе осы маңайда Кентау қаласы бой көтерді.

17 мамыр – Халықаралық электр байланысы күні
Бүгінде Бүкіләлемдік телекоммуникация қауымдастығына 180 ел кіреді. Олардың қатарында Қазақстанда бар.
Халықаралық электр байланысы күні Халықаралық электр байланысы одағы құрылған күні бекітілген. Бұл үкіметаралық ұйым 1865 жылы 17 мамырда Парижде құрылған болатын. Мақсаты: барлық елдер өзара біріге отырып электр байланысы салаларын тиімді пайдалануға күш салу. Байланыс алдымен ақпарат алмасу екені белгілі. Алайда ақпарат құралдарын пайдалану адамның білімділігіне, жасына, мекен жайына, тұрмысына байланысты. Халықаралық электр байланысы одағының пікірінше бұл күн бүкіл жер шары халқының ақпарат құралдарына тең құқықта қол жеткізуі жолында қоғамдық бастамалар көтеруге мүмкіндік беретін күн.

1986 жылы, 17 сәуірде КОКП орталық комитеті «елде тұрғын үй мәселесін шешуді жеделдетудің негізгі бағыттары» туралы қаулысын қабылдады. Мақсат: 2000 жылға дейін әрбір от басын жеке пәтермен қамтамасыз ету. Алайда бұл мәселе бүгінде өзінің маңыздылығын жойған жоқ.

1919 жылы, 17 мамырда КСРО-да алғашқы саяси тұтқындарға арналған лагерлер пайда болды. Бүкіл одақтық орталық атқару комитеті «еріксіз еңбек лагерлері» туралы қаулы қабылдады. Осы күннен бастап лагерлер кәдімгі және Кеңестік биліктің дұшпандарына арналған ерекше лагерлер болып екіге бөлінді.

1846 жылы 17 мамырда Белгиялық шебер Адольф Сакс саксафонды патенттеді.

1919 жылы 17 мамырда Кеңес Одағының батыры, атқылаушы-ұшқыш Нүркен Әбдіров туды.
Ол Гастеллоның ерлігін қайталап, жалынға оранған ұшағын жау колоннасының жанар май тасушы көліктеріне бағыттаған

1155 жылы 17 мамырда (деректер болжам бойынша) Шыңғыс хан туды.
Адамзат тарихындағы ең белгілі, жарты құрлықты жаулап алған моңғол империясының ханы. Ол сары далада шашылған, өз-өзіне би болған моңғол тайпаларын біріктіре алды.