Ұлтаралық татулық

Қазақстан халқы Ассамблеясының кезекті сессиясына қатысатын оралдық делегаттар 25-қазан күні аттанып та кетті. Астанаға ұшақпен ұшып кеткен 17 делегат ұлттық-мәдени орталықтар өкілдерінен жасақталыпты. Сессия отырысы барысында ұлтаралық татулықты нығайту жұмыстары тағы да кеңінен талқыға түспек.

Қазақстан халқы Ассамблеясының кезекті сессиясына қатысатын оралдық делегаттар 25-қазан күні аттанып та кетті. Астанаға ұшақпен ұшып кеткен 17 делегат ұлттық-мәдени орталықтар өкілдерінен жасақталыпты. Сессия отырысы барысында ұлтаралық татулықты нығайту жұмыстары тағы да кеңінен талқыға түспек. Бұл ретте алдағы жылдарға арналған бағдарлама да бекітілетін болады. Сонымен қатар, "Ұлттың көсемі" кім болары да айқындалады деп күтілуде. Маңызды сапарға аттанар алдында әуежайда бас қосқан оралдық ассамблея мүшелері бірауыздан Елбасының саясаты аса көрегендікпен жүргізіліп отырғанын баса айтты.
Данильбек Саратов
ТИТР: Чешен-ингуш ҰмО төрағасы
Президенттің саясатын біз бірауыздан құптаймыз! Басқа елде не болып жатқанын қайдам?... Біздегі ахуал өзгелерге үлгі боларлық. Ұлыстар арасындағы өзара ынтымақтастық баршаның көңілінен шығары анық. Бұл біздің Президенттің сарабдал саясатының арқасында жүргізіліп жатқан жемісті істер. Сондықтан да осы сессияда біздер Президенттің халықтың көсемі болып қала беруін құптаймыз...))