Президенттік эфир

Президентпен болатын тікелей эфирге Астанадағы Байланыс орталығына жеті күннің ішінде 8 мыңнан астам сауал келіп түсті. Сұрақтарды негізінен Астана, Алматы, Ақмола, Алматы, Қарағанды және Қызылорда облыстарының тұрғындары қойып жатыр.

Интернет қолданушылары өзіне ұнаған сауалға дауыс береді ал, ең көп дауыс берілген сауалдарға қарашаның 13-і күні Н.Назарбаев мемлекеттік телеарналарда тікелей эфирде жауап беретін болады.

Байланыс орталығының ашылғанына жеті күн болды. Мұнда келіп түскен сауалдарға қарашаның 13-і күні Президент Н.Назарбаев тікелей эфирде жауап береді. Қазірдің өзінде ол сауалдардың саны 8 мыңнан асты. 2007-ші жылы тұрғындар мемлекет басшысына жалпы саны 5 мыңнан астам сауал жолдаған екен. Ең жас сұрақ қоюшы-1 айлық Нұрахан болып шықты.

Әлия Ғалымова: Байланыс орталығының жетекшісі
"1 айлық Нұраханның ата анасы оған Президенттің портретін сыйлауда сұрап отыр. 89 жастағы тұрғын болса, тұрғын үй мәселесін шешіп беруді сұрайды."

Елдің барлық ірі қалаларында қоғамдық қабылдау пунктері құрылған. Ол жерде интернетті тегін пайдалануға болады. Қазақстандықтарды әлеуметтік көмек көрсету, тұрғын үй, ипотекалық несиені қайта қаржыландыру, заң бұзу және білім беру саласындағы мәселелерді қамтитын сұрақтар көптеп түсіп жатыр.