Ақтөбеде соңғы екі апта ішінде көктайғақта құлап, жарақат алғандар саны күрт өсті

Тек жедел жәрдем ауруханасы бір тәулікте 40-тан астам ақтөбелікті қабылдап жатыр. Дәрігерлердің айтуынша, қол-аяғынан жарақат алғандардың басым көпшілігі - зейнеткерлер. Майып болған балалар да жиі кездеседі.

Бүгін жедел жәрдем ауруханасының қабылдау бөліміне келгендердің бірі Муслима Бахтыгереева. Ол Пацаев көшесінде жаяу жүргіншілірге арналған жолда тайып құлап, қолын жарақаттап алған.

Жалпы бір тәулік ішінде жедел жәрдем ауруханасында 60-тан астам ақтөбелікке медициналық көмек көрсетіледі. Оның 70 пайызын көктайғақта құлап жарақат алғандар құрайды. Дәрігерлердің айтуынша, қол-аяғын сындырып алғандардың басым көпшілігі - зейнеткерлер.

МАКСИМ НИКИТИН
жеддел жәрдем ауруханасының дәрігері
Жаз айларында бізге құрылыс жұмыстары кезінде жарақат алғандар жиі жеткізіледі. Ал қыс мезгілінде негізінен көктайғақта құлағандарға жәрдем береміз. Жарақаттанатындардың дені — зейнеткерлер. Оларды алдымен рентген арқылы тексереміз. Қажет болса осында ем алады. Бірақ көбі үйлерінде емделеді. ))

Бұл қиындықтардың басты себебі - жаяу жүргіншілерге арналған жолдардың уақытылы қардан тазаланбауы. Құзырлы мекемелер тек қаламыздың ораталығын ғана айнадай жалтыратып қоятын әдеттерінен танбай келеді. Ал екінші деңгейлі көшелер биліктің назарынан тыс қалып, нәтижесінде мұндай бақытсыз оқиғалардың жиі орын алуына себеп болып отыр.