Батыс Қазақстан облысы бюджетінің кірісі мен шығыстары 76 млрд. 193 млн. теңгені құрады

Бүгін облыстық мәслихаттың кезектен тыс 15-сессиясы өткізілді. Сессияға қатысқан халық қалаулылары 2009-жылға арналған облыстық бюджет туралы облыстық мәслихаттың шешіміне өзгерістер енгізді. Осылайша, облыс қоржынының кірістері мен шығыстары 76 млрд 193 млн теңгені құрады.

Ал республикалық бюджеттен алынатын нысаналы трансферттер өткен жылдың бюджетімен салыстырғанда 1,4 млрд теңгеге ұлғайып отыр. Назар аударалық, толығырақ келесі сюжетімізде.

Халық қалаулылары алдымен облыс бюджетін нақтылап алды. Жалпы ағымдағы трансферттер 226 млн теңгеге және даму трансферттері 297 млн теңгеге азайды. Мұның ішінде заңдық тұрғыдан тиісінше бекітілмеуіне байланысты жол полициясының саптық бөлімшелері қызметкерлерінің ақшалай үлесін ұлғайтуға 114 млн.тг қарастырылған. Мемлекеттік сатып алу қорытындысы бойынша үнемдеу 269 млн.тг құрап отыр.
Серік Шапкенов
БҚО Экономика және бюджеттік жоспарлау басқармасының бастығы
- Білім беру, денсаулықсақтау нысандарын салуға ақша керек болды, сондықтан, бұл соманы))

Бұл көрсеткіштің ұлғаюы пайызға шаққанда 9% көрсетіп отыр немесе 1,4 млрд.тг көбейген. Облыс Әкімі жыл ішінде атқарылуы тиіс жұмыстар жайынан қысқаша хабардар етіп өтті. Бүгінде түрлі көрсеткіш бойынша облысымыз ел аймақтары ішінде алдыңғы орында тұр. Егер жыл біткенше басымдық берілген салалардан ши шықпаса, иеленген орын берік бола түспек.
Бәкең
Әкім
-Облысымызда қолға алынған бірқатар жобаларды жыл біткенше аяқтап бітіреміз, бұл ретте Зеленов ауданындағы жылыжай құрылысын, 8000 басқа арналған мал бордақылау кешенін, өзге де алып жобаларды айтуға болады. Біздер осы жұмыстарды биыл бітіреміз деп жоспарлап отырмыз. Қарашығанақ-Орал газ құбырының құрылысының да алғашқы сатысы аяқталып қалды, осы шаруаны тиянақтасақ, 11 елді мекенге газ барады, соның ішінде Теректі ауданының орталығы Федоровка мекенінің тұрғындары көгілдір отынға кенелмек.))

Бұдған кейін қаралған тағы бір мәселе - облыстық мәслихат аппаратының құрылымын бекіту ісі жайында болды. Осы мәселе бойынша баяндама жасаған облыстық мәслихаттың тексеру комиссиясының төрағасы Самат Оспановтың ұсынысын депутаттар бірауыздан мақұлдады.