Ұлттық бірлік доктринасы

Бүгін Орал қалалық активінің кезекті басқосуы өткізілді. Бұл жолғы жиында ұлттық бірлік доктринасы кеңінен талқыға түсті. ҚР Президенті ұсынған бұл құжат Қазақстанның болашақтағы дамуы мен ұстанатын бағыт-бағдарын айқындап бермек.

Ұлттар арасындағы татулық - тәуелсіз Қазақстанның басты байлығы. Бұл - еліміздің ұстанған басты бағыты болуы керек. Жиылғандардың пікірінше, доктрина - жалпыхалықтық бірігудің теориясы, жоба-жоспары іспетті. Қазақстан халқы ұлттық діни бірлестіктер бойынша әрқайсысы әр жаққа тартпай, «осы елдің халқымыз» деп қазақ ұлтының ұйымдастырушылық, біріктірушілік ролін мойындап, соның айналасына топтасуы тиіс.

- Бүгінде біз өзімізді Ассамблея деп аталатын Қазақстан халқы бірлестігінің алқа гүліндегі кішкентай гауһар тас ретінде сезінеміз. Жалпы біздің диаспорада Қазақстан экономикасының дамуы мен гүлденуі жолында тынбай еңбек етіп жүрген азаматтар көп.))

Ел Президенті, Қазақстан халқы Ассамблеясының төрағасы Н.Назарбаевтың басшылығымен өткен кезекті XV сессия - бұл этникааралық әрекеттестік пен мемлекеттік ұлттық саясатты жүзеге асырушы тиімді құрал, әрі еліміздегі ұлыстардың өзара байланысын қамтамасыз етер - Ассамблеяның мол тәжірибесін көрсетті. Бұл үкіметтік емес ұйымдармен, саяси партиялармен және азаматтық қоғам институттарымен жаңа формулаларды пысықтау керектігін қажет етеді.
Елбасы өз баяндамасында Қазақстанның Ұлттық бірлік доктринасына жіті назар аударды. Өйткені, доктрина әрбір қазақстандықтың «үстел кітабы» болуға лайық.

- Оның Ассамблея жанынан этносара¬лық қарым-қатынастар мәселесі бойынша Жетекші журналистер мен сарапшылар клубын құру ұсынысы да орынды және бұл қазіргі заман ағымында аса қажетті құрал деп санаймын. Біз Ассамблеяны - этникааралық саладағы мемлекеттік саясатты жүзеге асырушы, тиімді үйлестіруші ретінде көрсек, Ұлттық бірлік доктринасы бұл үрдістегі өзіндік конституция болмақ.))

Мемлекет басшысы бұл бірегей институттың алдында тұрған ауқымды міндеттерді белгілеп, Ассамблея жұмысы жаңа жүйелі қасиеттерді табуы тиістігін айқындады. Дамыған әлемде «ұлттық бірлік» ұғымы - ортақ мемлекетті бірлесіп жасау, толеранттық, азаматтық және өз елінің мемлекеттік тілін міндетті түрде білу қағидаттарымен өлшенеді. Ал бұл факторлар Қазақстанның Ұлттық бірлік доктринасында - мемлекеттің ұлттық саясат саласындағы жаңа стратегиялық құжатында көрініс таппақ.