Балалар игілігі үшін

"Бөбек" қорының бастамасымен балалар үйлерінің тәрбиеленушілеріне "Ризашылық" Балалар игілігі үшін жақсылық" атты қайырымдылық шарасы қолға алынды. Бұл бастама республикамызда алғаш рет өткізіліп отыр. Игі мақсатты көздеген ізгі шара отбасы үлгісіндегі облыстық балалар ауылында да өткізілді.

Толығырақ тілші бейнематериалында.

Қазақстанның бірінші ханымы Сара Алпысқызының бастамасымен бүгін барлық балалар үйінің тәрбиеленушілеріне "Балалар игілігі үшін жақсылық" атты қайырымдылық шаралары өткізілді. Мұндағы мақсат - өсіп келе жатқан жеткіншек ұрпақты мейірімділік пен қайырымдылыққа тәрбиелеу. Шаһарымыздағы Облыстық отбасы үлгісіндегі балалар ауылының 100-ге тарта тәрбиеленушілері өздерінің тәрбиешілері мен оқытушыларына алғыстарын білдірді. Сондай-ақ тәрбиеленуші балаларға ұйымдастырушылар шағын концерттік бағдарлама тарту етті.


Қайырымдылық шараларын ұйымдастырғандары үшін балалар тәрбиешілеріне алғыстары жазылған шағын жүрек бейнесіндегі қолдан жасаған сыйлықтарын тарту етті.

Айта кететін жәйт, жасаған жақсылығы үшін Сара Алпысқызына балалар сәби жүректерімен арнайы алғыс хаттарын да жіберген екен. Тек балалар ғана емес, тәрбиешілер мен мұғалімдер қауымыда "Бөбек" қорына шексіз алғыстарын білдірді. Ұйымдастырушылардың сөзінше, Биыл алғаш рет өткізіліп отырған қайырымдылық шарасы алдағы уақытта да жалғасын табатын болады.

Д.К, О.Писаренко. Александр Грабарев. ТДК-42