Цеснабанкке ұрлыққа түспек болған күдікті құрықталды

Астанада Цеснабанкке ұрлыққа түспек ниетпен, ғимараттың астынан үңгір қазған күдіктінің бірі ұсталды. 32 жасар елорда тұрғыны өткен аптада полиция қолына түсті. Ол банкті тонау үшін ұзындығы 74 метрлік үңгірді 15 ай қазғанын айтты. Бір жылдан астам уақыт бойы тынбай жер қазған ол 4 мың қап топырақ шығарған көрінеді.

Алайда, ғасыр ұрлығын жасамақ болған ұрылардың ойы іске аспай қалды. 74 метрге созылған үңгір ақша толы кассаға емес, басқа бір бөлменің астынан бір шыққан. Жасырын үңгір тамыз айында анықталды. Полиция күдіктінің бұл қылмысты жалғыз жасамағанына сенімді. Сондықтан оның сыбайластарын іздеу жұмысы жалғасуда.

ЗКТ: Жұмыссыздықтан осы қылмысты ойлап тапқан 32 жастағы астаналық 15 айдың ішінде 74 метрлік үңгір қазған. Ол үңгірді темір профқағаздармен рельс сияқты жабдықтаған. Бұл үңгірден жерді шығаруға ыңғайлы болу үшін. Әр он метр сайын жарық орналастырған. Алайда айлакердің бұл жоспары іске аспай қалды. Өткен тамыз айнында оның жасырын үңгірі анықталды. Ол үңгірдің бағытын шатыстырып алып, армандағы ақша тұрған сейфке емес, басқа бөлмеге баып тірелді. Күдікті салым жәшігін жалға алу туралы келісім жасағанда оның бәрін алдын ала қарап шыққан.

Тергеу барысында белгілі болғандай, үңгір шығатын жол «Байланыс-2» гараждар қоғамының гаражынан анықталды. Қазір елордалық полицейлер қолға түскен күдіктінің сыйбластарын іздестіруде.