Тоғыз құмалақтан қалалық біріншілік

Семей қалалық дене тәрбиесі және спорт бөлімінің ұйымдастыруымен бүгін №37-ші мектеп-гимназиясында тоғыз құмалақтан мүмкіндігі шектеулі жасөспірімдер арасында қалалық біріншілік басталды. Біріншілік Тәуелсіздік күніне арналып өткізілуде.

Тәуелсіздік алған жылдардан бастап ұлттық ойындарға көңіл бөлініп, жастар арасында ұлттық ойындарды насихаттау барысында игілікті жұмыстар атқарылып жатыр. Ұлттық ойындардың ішінде ой өрістің қаруы саналатын тоғыз құмалақтың орны ерекше. 37-ші мектеп-гиманзиясында өтіп жатқан қалалық біріншілік бұл сөзіміздің дәлелі.

СНХ: Арай Солтабаев
№3 нашар көретін балаларға арналған мектеп-интернатының дене тәрбиесі пәнінің мұғалімі.

№3-ші меткеп-интернатының 5-ші сынып оқушысы Бәтима Гайсаева мүмкіндігі шектеулі балалар арасында өткен республикалық жарыста жоғары нәтижеге жеткен. Бүгінгі жарысқа да оның тыңғылықты дайындалып келгендігі байқалады.

СНХ: Бәтима Гайсаева
жарысқа қатысушы

Жарыс екі күнге созылады. Жеңімпаздар мақтау қағаздары мен бағалы сыйлыққа ие болады.

Ерзат Жанатұлы, Саят Тастанов, ШАБ.