"Алғашқы махаббат" пьесасы

Кеше Семей қаласындағы ЖОО-ның бірінде Қайрат Жүнісовтың "Алғашқы махаббат" комедиялық пьесасының қойылымы болды. Басты рөлдерді студенттердің өздері сомдады.

Толығырақ тілші бейнематериалында.

Медицина университетінде 10 жылдан бері "Сенім" драма үйірмесі жұмыс істеп келеді. Бүгінгі күнге дейін көптеген көріністерді халық назарына ұсынып жүрген болашақ ақ халатты абзал жандар, 8-ші желтоқсан күні Семей облысының тумасы, әнші, драматург, актер- Қайрат Жүнісовтың "Алғашқы махаббат" атты комедиялық пьесасын алғаш рет сахнада сомдады.

Алғаш рет қойылып отырған кең көлемді пьесаның жас буынға терең мағыналы тәрбие берері сөзсіз. "Махаббаттың қадірін көбі түсіне бермейді және осы пьеса сабақ алуға тұрарлық"- дейді басты рөлді сомдаушы Қайрат Қатренов. Пьеса жайлы жас мұғалім рөлінде Гүлайым Оразбаевадан сұраған болатынбыз.

Студенттер сабақтарының қиындығына қарамай, өнерге деген сүйіспеншіліктерінің арқасында үйірмеде дайындыққа уақыт табады. Бұл адам бойындағы ең жақсы қасиеттердің бірі.


Назым Зейнеғабылқызы, Нүркен Тоқмурзин ШАБ