Қоян-қолтық ұрыс

Бүгін Ақтөбе облыстық ішкі істер департаментіне қарасты "Динамо" спорт кешенінде қоян-қолтық ұрыстан жарыс өтті. Облыстық жарысқа аудан, ауыл, қаладағы ішкі істер құрылымдарының 20-дан астам құрама командалары жиналған. Боз кілем үстіндегі тартыс ел тәуелсіздігіне орайластырылды.

Қоян-қолтық ұрыс тәсілі жан-жақты. Қарсыластарға күрестің бірнеше түрін қолдана беруіне болады. Онда каратэ, таэкван-до белгілері де бар. Яғни аяқпен тебісу, самбо, қазақша, грек-рим күрестеріндегідей жамбасқа салу, кеудеден асырып лақтыру және бокстағыдай білектің күшін де пайдалана беруге болады.

Облыстық жарысқа ауыл, аудан, қаладағы ішкі істер бөлімдерінен барлығы 20-дан астам құрама командаға біріккен 150 полиция сақшысы қатысуға ниет білдірген. Солардың бірі криминалдық полиция қызметкері Нқржан Қобланов. Грек-рим күресі, самбо, президенттік көпсайыстарда топ жарып жүрген Нұржан енді қоян-қолтық ұрыста да күшін сынап, мүмкіндігін байқап көруге бекінген.

Бүгінгі жарысқа қатысушылар 56 келіден 95-ке және 95 келіден жоғары жалпы 8 салмақ дәрежесінде сынға түсті. Бұл сында үздік шыққан 8 полицей республикалық ішкі істер органдары арасында қоян-қолтық жарыстан өтетін жарысқа жолдама алды.