Қарашығанақ кенішіндегі қайғылы оқиға

19-желтоқсан күні Қарашығанақ кенішінде оқыс оқиға орын алды. Кеніште жүргізілген гидрологиялық тест кезінде бір адам опат болды. Мамандар дерегінше, гидрологиялық тест жүргізу барысында су толы бөшке жарылған. Жарылыс салдарынан 27 жастағы "Флагман" серіктестігінің операторы көз жұмды.

Естеріңізге сала кетейік, мұндай оқиға қараша айының аяғында да тіркелген болаты. Ол жолы Ақсай қаласындағы серіктестіктердің бірінің қызметкері зардап шекті. Күйік алған азаматтың "Қарашығанақ Сауда" серіктестігінде жұмыс жасайтыны анықталды. Өндірістік апат ретінде саналған оқиға кернді іріктеп, сұрыптау жұмыстары барысында орын алған. Аяқасты шыққан өрттің кесірінен өндірістік аумақ өртеніп, 15 шаршы метр алаңды жалын шарпыған. Өрт сөндірушілер жалынды бір сағаттан астам уақыт ішінде ауыздықтаған болатын. Осылайша, Қарашығанақ кенішіндегі оқыс оқиға қысқа мерзім ішінде осымен екінші мәрте қайталанып отыр.

Елена Арефина
ТИТР: баспасөз қызметі
- Анықтау жұмыстары барысында оқиғаның жай-жапсары айқындалды. Қолда бар деректер бойынша, кеніш қызметкері басынан алған жарақаты салдарынан мерт болған. Арнайы тұғырға орнатылған трансформатор құрылғысы аяқасты істен шығып, соның кесірінен су толы бөшке жарылған. Апат болған жердегі өзге жұмысшылар зардап шекпеген, көмірсутегі толқыны да болмаған. Қазір марқұм туралы деректер анықталды.))