Қазақстанды машинажасау саласын дамыту

Мәжіліс депутаттары еліміздегі машинажасау саласының баяу дамып келе жатқанына алаңдаушылығын білдіруде. Өңірімізде өткен мемлекеттік комиссияның көшпелі мәжілісінде Парламент депутаты Мейрам Пішембаев осы саладағы өсім көрсеткіштерінің жеткіліксіз екендігін баса айтты.

Мамандардың дерегінше, шетелде бұл мәселе оң жолға қойылған. Шетелдіктердің тәжірибесі көрсеткендей, бұл мемлекеттерде машинажасау саласы ел экономикасында 50-дің 20-ға қатынасындай пайыздық үлесте болуы тиіс. Бұл көрсеткіш Қазақстанда небары 38-де 3,5%-дан аспайды. Мұндай жағдай ел экономикасының тұрақтылығына кері әсер етуі әбден мүмкін.
Мейрам Пішембаев
депутат
- Машинажасау саласы Кеңес одағы кезінде қарқынмен дамыды. Қазіргі көрсеткіштер сол кездегі қарқыннан артта қалған. Бұл сала көп қаржыны қажет етсе де, өзін-өзі ақтайды. Әрі бұл салаға қолдау көрсетсе, жұмысқа тартылар мамандар саны да өзге салалардағыдан әлдеқайда көп болмақ. Сондықтан, Қазақстанда машина жасауды дамытып, қорғаныс және экспорт өнеркәсібіне қолдау көрсету қажет. Бұл үшін күш-қуат құрылымдарының бюджетінде тапсырыстар мәселесін жолға қою қажет.))