Еліміздің алтын-валюта қоры 52 млрд. АҚШ долларына жетті

Қазақстанның қаржы жүйесі толығымен тұрақтану жолына шықты. Бүгін Ақордада еліміздегі тіркелген дипломатиялық корпустың өкілдерімен кездескен мемлекет басшысы Нұрсұлтан Назарбаев осылай деп мәлімдеді. Сондай-ақ елбасы шетелдік дипломаттарға, өз өкілдіктерін еліміздің бас қаласы Астанаға көшіруді жылдамдату қажеттігін айтты.

Елшілермен кездесуді елбасы дәстүрлі түрде өткізіп келеді. Ондағы мақсат Қазақстанның ішкі және сыртқы саясатындағы соңғы өзгерістермен дипломаттарды хабардар ету. Қаржылық дағдырыстың салдарынан экономикаға да саясатқа да басқаша көзқараспен қарауға тура келді деген елбасы, Қазақстан дағдарысты еңсеруде ұтымды бағдарлама қабылдай алды деп атап өтті. Осы мақсатта, ұлттық қордан 14 млрд. АҚШ доллары бөлінді. «Осыған қарамастан біздің алтын-валюта қорымыз бүгінде 52 млрд. АҚШ долларына жеткенін айтқан президент қаржы жүйеміздің тұрақтана түскенін мәлімдеді.
Нұрсұлтан Назарбаев
Қазақстан Республикасының Президенті:
- Еліміздің қаржы жүйесіндегі өте күрделі мәселелер шешілді. "Біз қаржы саласындағы ахуалды толық тұрақтандырдық. "Альянс банк" пен "БТА" банкке қатысты Лондондағы инвесторлармен келіссөздер аяқталды. Яғни, біз қаржы жүйесін толығымен тұрақтандыру жолына шығып отырмыз",

Тілші: сондай-ақ еліміздің алдағы жылы жоспарларынан да молынан ақпарат берген елбасы, шетелдік дипломаттарға, өз елшіліктерін Алматы қаласынан Астанаға көшіру ісін жылдамдатуды сұрады. Алайда, президент бұл ойын әзілмен жеткізуге тырысты.

Тілші: Қазір, Қазақ станда әлемнің 60 елінің өкілдіктері жұмыс істеуде. Биыл, бұл қатарға Норвегия мен Финляндия қосылды. Жиын соңында мемлекет басшысы, елшілерді жаңа жылдарымен құттықтап, естелік суретке түсті.
Нұржан Сопбеков, Ганизат Оспанов ТДК 42 телеарнасы Астанадан