Премьер-Министр:"Көлеңкелі бизнестегі кәсіпкерлерді әшкерелейтін кез жетті"

2010 жылы Салық комитеті салық төлеуден жалтаратындармен күресті күшейту қажет. Себебі, көлеңкелі бизнестегі кәсіпкерлерді әшкерелейтін кез жетті. Бүгінгі Үкімет отырысында Премьер-министр Кәрім Мәсімов осылай деп мәлімдеді.

Үкімет басшысы салықшыларды - әділ кәсіпкерлердің жұмысына мезгілсіз тексеріс жүргізуді қысқартып, оның орнына заңсыз пайда тауып отырғандармен күресуге шақырды. Себебі, ресми түрде көрсетілген салық төлеушілер биыл өз төлемдерін 100 пайыз жасаған. 2009 жыл бойынша есеп берген Салық комитетінің төрағасы Дәулет Ерғожин, 2010 жылдан бастап жаңа акциздік маркаларды шығаруды жоспарлап отырған жеткізді. Себебі, биылғы тексерістер кезінде акциздік салықтан жалтаратындардың көбейгені анықталған. Мысалы, «Иново» жауапкершілігі Шектеулі Серіктестігіне, алкоголь тауарлары мен акциздік маркаларды заңсыз шығарғаны үшін 200 млн. теңге айыппұл алынса, «БМ» компаниясының заңсыз этил спиртін өндіріп отырған цехы анықталған. Бұдан мемлекетке келген шығын 23 млрд. теңгеге бағаланып отыр. Премьер-министр Салық саласын өте қысқа уақытта жетілдіруді тапсырды. Себебі, жаңа і жылдан күшіне енетін Кедендік одақ аясында Қазақстанның салық саласына түсетін салмақ арта түспек.

Кәрім Мәсімов
ҚР Премьер-министрі
- Қазіргі кезде Қазақстанның салық саласы Ресей мен Беларус елдерімен салыстырғанда ыңғайлы әрі тиімді болып тұр. «Сондықтан Кедендік одақ өз күшіне енген кезде көптеген тауарлар мен жүктер біздің елімізде кедендік тіркеуден өтуі әбден мүмкін. Осы және басқа да мәселелер отандық салық саласына тікелей байланысты. Сол себепті бүгіннен бастап мұның бәрін реттеп, үйлестіріп алған жөн.))