3 жылдық бюджет

Бүгін қалалық мәслихаттың кезектен тыс 24-сессиясында тұңғыш рет 3 жылдық бюджет бекітілді. Жауапты сала өкілдері жыл ішінде жасалған жұмыстар жайын қорытындылап, алдағы жылдары атқарылар шаруалар жайын нақтылады. Көтерілген ұсыныстардың барлығын дерлік депутаттар бірауыздан құптады.

Үшжылдық бюджеттің жай-жапсары туралы тілшіміз әңгімелейді.

Қалалық мәслихаттың кезектен тыс сессиясына қала әкімі Самиғолла Оразов пен депутаттар, жергілікті басқару мекемелерінің өкілдері қатысты. Келгендер алдында сөз алған қалалық экономика және бюджетті жоспарлау бөлімінің бастығы Әнуарбек Қабашев алдағы үш жылдық бюджеттің барысымен таныстырды.

Үш жылға жоспарланған жұмыстар түгел қаржыландырылып, бір қатар тың бастамалар жүзеге асатынына сенім мол. Келер жылғы қала бюджетіндегі қаржы қалай және қайда жұмсалатындығы туралы бірер сөз. 2010 жылы меншік табыс көздерінен 7 млрд.652 млн.теңге, республикалық және облыстық трансферттік түсімдер 4 млн.жарым мың теңгеге жуық, ипотекалық мемлекеттік тұрғын үй бағдарламасы шеңберінде азаматтарға пәтер сатудан түскен қаражат 1 млн 100 мың теңгені құрамақ.

Сессия күн тәртібі бойынша әр саланың мамамандары жылдық жұмыстың нәтижесін баяндап, жоспарланған жұмыстардың межеленген уақытта жақсы нәтиже бергенін айтты. Қала басшылығы отырысқа келгендерге өз ризашылығын айтып, алдағы жылыда осы пәрменмен жұмыстануға шақырды.

Оқылған баяндамаларға сүйенсек жыл бойы қалада бір бөлек маңызды мәселелер шешімін тауып, бір қатар әлеуметтік маңызды жобалар жұмысын бастаған. Келер жылы да бекітілген бюджетке сәйкес жұмыстар жүргізіледі деп күтілуде.