Жаңа-жылғы шыршалар легі жалғасуда

Бүгін облыстық қазақ драма театрында жағдайы төмен отбасылардың балалары, мүгедек балалармен балалар үйнің тәрбиеленушілеріне арналған президенттік шырша болып өтті. Балғындардың жыл бойы аңсап келген мерекесіне облыс басшысы Бақтықожа Ізмұхамбетов қатысып ізгі тілегін жолдады.

Президентік шыршаға жалпы саны 150 бала қатысты. Олардың бірі жағдайы төмен отбасылардан болса, бірі балалар үйінің тәрбиеленушілерімен мүгедектер. Облыстық білім басқармасының ұйымдастыруымен өтіп отырған жаңа жылдық шыршаға қатысушы әр балаға 50 мың теңге көлемінде қаржы бөлінген.

Жаңа жылдық ғажайып кеш басталмас бұрын балалар төрге орнатылған алып экраннан ел басы Ұрсұлтан Назарбаевтың құттықтауын тыңдады.

Әнмен әрленіп бимен безенген кештің құрметті қонағы облыс басшысы болды. Балалар алдында сөз алған Бақтықожа Ізмұхамбетов жас жеткіншектердің болашағының жарқын болуын тіледі.

Түрлі әдемі киімдер киіп, ертегі әлемінің кейіпкерлерін сомдаған балғындар жасыл шыршаны айналып ән салып би биледі.

Мерекелік шыршаға келгендердің барлығы сый жоралғысыз қалмады.

Бағдад Ізмағанбет, Олег Писоренко және Владислав Петровский.ТДК-42