Спорттық жетістік

2009 жылда БҚО спортшылары жақсы деген нәтиже көрсетті. Жыл аяғында әдеттегідей облыстық спорт басқармасымен спорт ардагерлері, үздік спортшылар және жаттықтырушылар марапатталды. Салтанатты жиынға облыс әкімінің орынбасары Серік Сүлеймен қатысып, жергілікті жеңімпаздарға естелік сый жоралғылар ұсынды.

Жыл соңында бас қосқан облыстың бір топ спорт жанашырлары, үздік спортшылармен билік өкілдері үшін салтанатты кешті БҚО спорт, денешынықтыру және туризм басқармасы ұйымдастырды. Дәстүрлі түрде жыл аяғында кездесіп тұратын, облыстағы спорт саласына сүбелі үлес қосқандармен спортшылар, облыс әкімінің орынбасары Серік Сүлейменнің қолынан құрмет грамоталарымен сыйлықтар алды.

Енді ағымдағы жылы облыс атынан байрақты бәсекелерде бақ сынап, жеңіс тұғырынан көрінген спортшыларымыздың жетістіктері туралы бірер сөз. Ерболат Байбатыров самбодан әлем чемпионатында чемпион атанып алтыннан алқа тағынды, ал футбол жанкүйерлерінің аңсап келген арманы орындалып Ақжайық футбол командасы ҚР жоғарғы лигасына шықты. Тағы бір атап өтер жәйт жерлесіміз Артур Үмбеталиев ағымдағы жылда Түркияның Анкара қаласында өткен герек-рим күресінен әлем чемпионатында алтын медальге ие болды.

Сонымен қатар салтанатты кеште облыста оздырылған түрлі спорт шараларын Жайық жұртымен таныстырған БАҚ өкілдері марапатталды. Атап өтер жәйт марапатталған қаламгерлер арасында әріптесіміз, ТДК-42 телеарнасының журналисті Қайрат Абуовта бар.

Салтанатты кеште марапатталған үздік спортшыларымен облыстың бір топ спорт жанашырлары келесі жылыда жақсы көрсеткіштер көрсетіп, жеңісті қолдан бермейміз деп тарасты.

Бағдад Ізмағанбет, Андрей Симбирев және Рауан Илашов.ТДК-42