"Самұрық-Қазына" еліміздің бірқатар банктерін банкроттан сақтап қалған

Үкіметтің қаулысымен дағдарысқа қарсы бағдарламаның негізгі операторы ретінде Ұлттық қордан бөлінген 1 трл 87,5 млрд теңгенің 80 пайызынан астамы экономиканың айнламына түсіп, игерілген. Бұл туралы «Самұрық Қазына «Ұлттық әл-ауқат қоры мәлімдеді.

Самұрық- Қазына қорының басшылығы бұл жайында бүгін журналистермен өткен баспасөз маслихатында жариялады. Қор 2009-жылда атқарған игі істерін қортындылаған болатын. Ұлттық қордан бөлінген аталмыш қаржының 486 млрд теңгесі қаржы секторын тұрақтандыруға, 360 млрд теңгесі қаржы дағдарысына ұшыраған құрылыс компанияларының құрбаны болған үлескерлер мәселесін шешуге, 120 млрд теңге орта және шағын бизнесті қолдауға, 121,5 млрд теңгесі инновациялық, индустриялдық жобаларды жүзеге асыруға бағытталды. Самұрық- Қазына қоры қаржылық дағдарыста еліміздің бірқатар банктерін банкроттан сақтап қалдық дейді.