Жанар-жағар майға Үкіметтік бақылау

Қазақстан үкіметі жанар-жағармай бағасын реттеуді одан әрі жалғастырады. Бұл туралы үкімет басшысы Кәрім Мәсімов мәлім етті. "Меніңше, біз жанар-жағармай нарығындағы ахуалды айтарлықтай айқын бақылауға алдық. Маған белгілі ақпарат бойынша, АИ-92 - 93 жанармайының бағасы ел бойынша 82 теңге деңгейінде тұрақтанды.

Әрі бағаны реттеу біздің тұрақты бақылауымызда болады. Біз бұл жұмыстарды жүзеге асыра алдық, бұл 2010 жылы да, 2011 жылы да жалғасады, одан әрі де солай бола бермек... Жанар-жағармайдың бағасын реттеуді енді біз заңдық тәртіппен рәсімдейміз, қазір Энергетика министрлігі бұл мәселені дәйектеу үстінде. Дегенмен, АИ-95 және АИ-96 маркалы жанар-жағармайдың бағасы "нарықтық ортада болуы тиіс", - дейді үкімет басшысы.