ҚР Бас прокуратурасы Қытайға жер бөлуге қатысты мәлімдеме жасады

Бас прокуратура Қытайға жер бөлуге қатысты материалдарды сараптамалық зерттеуге жіберді. Бұл туралы ҚР Бас прокуратурасы мәлімдеді. Прокуратура ақпаратына сәйкес, "соңғы кезде жекелеген ақпарат құралдары мен қоғамдық бірлестіктер тарапынан Қытайға жер бөлуге қатысты жалған мәліметтер таратылуда".

Анық ақпаратты білмей, шынайы жағдайды қасақана бұрмалап, арандатпақ болғандар қоғамдық тәртіпті бұзып, Қазақстан мен Қытай арасындағы тату қарым-қатынасқа залал келтіруге тырысты. Бұл әрекеттен ұлтаралық араздықты қоздыру белгілерінің бар екендігін байқаған Бас прокуратура істі құқыққорғау органдарына жолдапты. Енді осы іске жауапты тұлғалар заң бойынша қатаң жазаға тартылады.
Жер кодексіне сәйкес, ауылшаруашылығы мен орман шаруашылығына арналған жерлер шетелдік азаматтардың, азаматтығы жоқ тұлғалардың және шетелдік заңды тұлғалардың жеке меншігінде бола алмайды. Бұл Қазақстан Республикасының заңнамасына қайшы келеді.