Мереке күні дүние есігін ашқан нәрестелер

Жаңа жыл түні қала перзентханалары да қуаныштан кенде болмады. Жаңа жылдың таңымен таласа қаламыздағы екі бірдей перзентханада 30 бүлдіршін дүниеге келді. Дәрігерлер мереке күндері күшейтілген режимде жұмыс жасайды. Биыл да бұл жұмыс тәртібі бұзылмаған түрі бар.

Дәрігерлердің сөзінше, мереке күндері дүниеге келген шараналар мен жас аналардың жағдайлары жаман емес. Ал қуанышқа бөленіп, сәбилі болған ата-аналар отбасының жаңа мүшесі атанған балдырғандарына қандай ат қоярын білмей бас қатыруда.
Айта кетелік, 3-перзентханада 13 келіншек босанып, 8 қыз бен 6 ұлды өмірге әкелді. Ал екінші перзентханада 8 қыз және 9 ұл бала туылған. Дәрігерлердің сөзінше, олардың жағдайы қалыпты.