Мәншүктің жаңа портреті

Орал қаласындағы Мәншүк Маметова атындағы мұражай Жаңа жылды жағымды жаңалықтармен бастады десе де болады. Мұражайға батыр қыздың жаңа бір портретінің қойылды. Осыдан бірнеше жыл бұрын дүниеге келген туынды бұған дейін қорда сақталып, жуықта ғана Мәншүк Мәметованың 70 жылдығы мен Жаңа жылғы сый ретінде мұражай төріне орналастырылды.

Айта кету керек, жаңа портрет батыр қызды жаңа бір қырынан таныстырып отыр. Қылқалам шебері Асылбек Ғұбашевтің жаңа туындысы мұражай үйіне мол өзгеріс әкелгендей, дейді мұражай директоры. Оның айтуынша аталмыш туынды мұражайға келушілердің көңілінен шығатыны анық. Ал шаһарымызға күні кеше ғана іссапармен келген суретшінің өзі болса, бұл шығармада батыр Мәншүктің көңіл-күйі мен жарқын болашаққа деген мол сенімін нақты көрсетуге тырысқандығын айтады.