Мастықтың салдары

Елімізде Жаңа Жыл мерекесі кезінде 3 мыңдай адам медициналық мекемелерге мас күйінде көмек сұрай келді. 150-ден астам адам пышақтан жарақаттанса, 11 адамға мастық салдарынан оқ тиген. Осы күндері ішімдіктің кесірінен 1 186 адам жол апатына ұшырады.

Сондай-ақ, мас күйде жүрген 965 азамат түрлі жарақат алды. Сонымен қатар, 258 тұрғынның мас екендігін куәландырды.
Денсаулық сақтау министрлігінің мәліметінше, 2008-жылы алкогольге тәуелді ретінде тіркеуде тұрғандардың саны 243 874, ал былтыр 242 000 адамға жеткен. Осы екі жыл ішінде ішімдікті мөлшерден тыс ішкен 1 316 адам қайтыс болыпты. Мамандар дерегінше, Қазақстан халқының арасында ішімдікке салыну көрсеткішінің таралуы 2007-жылы 35,8% болған көрінеді.