Бюджеттік статистика

Облысымызда «Жол картасына» сәйкес 2009-жылы бөлінген 4 млрд. 176 млн. теңге 99,9 пайызға игерілді. Облыстық жұмыспен қамту және әлеуметтік бағдарламаларды үйлестіру басқармасынан хабарлағанындай, бұл қаржының 3 млрд. 496 млн.ы республикалық бюджеттен берілсе, 679 млн.ы жергілікті бюджеттен қарастырылды.

Соның ішінде, тұрғын үй-коммуналдық шаруашылық нысандарын жөндеуге - 1 млрд. 798 млн., жолдарды ретке келтіруге - 800 млн., емдеу мекемелеріне - 509 млн., мәдениет ошақтарына 330 млн. теңге толық жұмсалды. Ал білім беру нысандарына бағытталған 739 млн. теңгенің 737 миллионы игерілді. Жыл ішінде 8823 жаңа жұмыс орны ашылып, жоспар орындалды.