Дзюдодан облыстық біріншілік

Бүгін ҚР еңбек сіңірген жаттықтырушысы Нұрлан Қауметовтың жүлдесіне арналып, дзюдо күресінен жасөспірімдер мен жастар арасында облыстық чемпионат басталды. Облыстың ауыл-аудандарынан жиылған жас спортшылар боз кілемде белдесіп, өздерін танытқандары болашақта республикалық спорт додаларында бақ сынауға мүмкіндік алады.

Тілші материалында толығырақ.

ҚР еңбек сіңірген жаттықтырушысы Нұрлан Қажияқпарұлы Қауметовтың жүлдесіне арналған дзюдо күресінен жасөспірімдер мен жастар арасында облыстық чемпионаттың ашылу салтанаты командалардың шеруімен басталды. Спорт додасына қала спортшыларымен бірге облыстың 11 ауданынан дзюдошылар қатысуда.

Әселдің дзюдомен айналысқанына 3 жыл уақыт өткен. Боз кілемде белдесудің қыр сырын игерген қарындасымыз мұндай шаралардың жас спортшылар үшін берері мол екендігін айтады.

Спорт жанашырлары жыл санап спорттың осы түріне қызығушылық танытқан жастардың қатары артып келе жатқандығын айтады. Жарыстың жеңімпаздары 15-ші қаңтар күні анықталып, жүлдегерлер марапатталмақ.