Уран дауы

Халық қалаулылары Қазақстан Иранға уран сатты деп жалған ақпар таратқан «Ассошэйтед пресс» агенттігін сотқа беру қажет - деп санайды. Депутаттардың ойынша, бұл еліміздің Еуропадағы Ынтымақтастық және Қауіпсіздік Ұйымына төрағалық етуі кезінде қасақана ұйымдастырылған әрекет.

Ал мемлекет мүддесіне алаңдаған сенаторлар бүгін сыртқы істер министрлігінен ештеңеден тайсалмай, шетелдік ақпарат агенттігін сотқа беруді талап етті.

ӘСЕТ МАҒАУОВ - ҚР энергетика және минералды ресурстар вице-министрі
- «Қазақстан - Иранға уран сату жөнінде ешқандай келiсiмшарт жасаған жоқ. Шетелдiк Бақ - та жарияланған мәлiметте айтылған 1,3 мың тонна уран, еліміздің жылдық өндiрiсiнiң он пайызы. Ал бiзде экспорт жүйесiн Кедендiк бақылау коми¬тетi және күштiк құрылымдар бақылап отырады.

МӘТІН: Мұндай жауапқа сенаторлардың көңілі толмады. Өйткені, әлемдік қауымдастық алдында бұлайша ақталу жеткіліксіз. Сондықтан Иранға уран сатпағанымыз рас болса, шетелдік агенттікті сотқа беру қажет. Алайда, соған батылы жетпей отырған шенеуніктерге бүгін халық қалаулылары қатты шүйлікті.

МӘТІН: Мемлекет мүддесіне алаңдаған депуттардың пікірінше, «Ассошейтед пресске» жалған мәлімет берген ақпарат көзін анықтап, оларды да жауапқа тарту қажет. Әйтсе де, сыртқы істер министрлігі беделді БАҚ-пен соттасу елімізге абырой әкелмейтінін айтады. Сол себепті мұндау даулы істе үндемей қалуды жөн санайтын секілді.

Уран дауы ертең өтетін Парламент Сенатының жалпы отырысында да жан-жақты қаралады. Ал ақпан айында МАГАТЭ-нiң сарапшылар делегациясы еліміздегі атом нысандарын тексеруге келмекші. Аталмыш ұйымның бұл сапары үлкен халықаралық жанжалға соңғы нүкте қоюы тиіс.