Отандық кәсіпкерлерге өнімдерін экспортқа шығаруға Үкімет қол ұшын созбақ

Және де, шет елдің нарығын зертеп - зерделеуге кететін шығынның елу пайызын да, мемлекет өз мойнына алмақшы. Отандық бизнесті қолдау мақсатында сауда және индустрия министрлігі сауда-саттық саласын реттейтін арнайы заң жобасын әзірледі. Тақырып бойынша бейнематериал бар.

Жобаға сәйкес, Үкімет кәсіпкерлерге сырт мемлекеттердің аумағынан сауда өкілдіктерін ашуға қолғабыс етеді. Және де,Қазақстанда жасалған өнімнің жарнамалауына да оңтайлы жағдай туғызбақ. Бұл мақсатта тауарларды экспорттау жүйесімен айналысатын мамандарды оқытып, қайта даярлау үшін бюджеттен 100 млн доллар бөлу жоспарда бар. Бүгін аталмыш заң жобасы Парламент Мәжілісі депутаттарының қарауына ұсынылып, жан-жақты таныстырылды.

ТИМУР ЖАҚСЫЛЫҚОВ
индустрия және сауда министрінің орынбасары
- Өнімді экспортқа шығару үшін оның жарнамасы жақсы болуы тиіс. Сондықтан маркетинг жүйесіне кететін шығынның жартысын мемлекет мойнына алады. Өйткені, сырт мемлекеттерде өнімнің қорабына оның оралуына дейін жіті мән береді. Себебі бәсекеге қабілетті тауар ғана сұранысқа ие болады.))