Шоқыну мерекесі

Христиан дінін ұстанушылардың басты мерекелерінің бірі - шоқыну рәсімін оралдық православтар да кең көлемде атап өтті. Көне заманнан бері христиан халқы жыл сайын 19-қаңтар күні өзен-көлдерде ойылған ойыққа сүңгіп, шоқынады. Дәл осы күні барлық су көздері киелі күшке ие болады деген сенім қалыптасқан.

Ауа райының аязды болуына қарамастан, суға сүңгушілер жылдағыдай көп болды.

Бүгінгі күн Християндар үшін ұлы мереке. Олардың діни сенім нанымы бойынша бұл күні Исаны ең бірінші рет қасиетті Иоан шоқындырған екен. Проваславтар бұл мерекеде шіркеулерде құдайларына сыйынып, дұға қылады. Оралдық христиандар да бүгін төл мерекесін атап өтті. Азаннан шіркеуге жиылғандардың ішінде белі қатпаған баладан, еңкейген қарияларға дейін бар. Құдайдың алдында күнәсінан арылам дегендер құлшылық қылып тәңірден кешірім сұрау рәсіміне қатысты. Бұдан кейін олар Жайықта арнайы дайындалған ойықтарға шомылу жоралғысын орындады. Күннің суығына қарамастан салқын суға шомылғандар бұдан кейін барлық күнәларынан арылатынына сенімді.

Алексей
ТИТР: Орал қаласының тұрғыны
- Бұрын осы мерекеде Мәскеуде шет елдерде болғанмын. Алайда Оралдағыдай еш жерде крещение болмаған сыңайлы. Міне көріп отырсыздар халық күннің суығына қарамастан суға шомылуға келіп жатыр. Мен жыл сайын Крещение рәсіміне қатысамын. Християн болғаннан соң барлық діни жоралғыларды ұстану міндет деп білем. Суға шомылған әрі денсаулыққа пайдалы, бір жағынан күнәңнан арылып жеңілдеп қаласың.))

Шомылу рәсіміне арнайы ойықтар Жайық өзені мен Шаған өзендерінде дайындалды. Кезек-кезек суға шомылғандардың ішінде қара көз қандастарымызда бар. Олар дін ауыстырғандар емес, денсаулық үшін пайдалы болғасын шомылғанын айтады. Жалпы ел аузында салқын суға шомылған соң арақ-шарап ішу қажет деген ұғым бар. Алайда Христиан дінінің заңы бойынша жылыну үшін арақ ішу деген түсінік жоқ.