Қазақша күрес

25-27 қаңтар аралығында 1991-92 жылғы жасөспірімдер арасында қазақша күрестен облыстық чемпионат болып өтті. Екі күнге созылған жарысқа облыс аудандары мен Орал қаласынан 100-ге жуық қазақ күресінің шеберлері қатысты. Мұнда балуандар 7 салмақ дәрежесі бойынша сынға түсті.

Қазіргі таңда облыста аталмыш күрес түрінен 17 жаттықтырушы бар. Спорт сүйер қауым облыста самбо күресінің жыл санап қарқынмен дамып келе жатқанын біледі, алайда жаттықтырушылар қазақша күрестің өңірімізде өзге спорт түрлерінен кенже қалып жатқандығын айтуда. Ал осындай жарыстардың жас жігерлі спортшылардың арасында нағыз палуандар дайындауға септігін тигізері сөзсіз десті спорт жанашырлары. Жарыс жеңімпаздары мен жүлдегерлері 5-7 наурыз күндері Ақтау қаласында өтетін жастар арасындағы ҚР-ның чемпионатына қатысатын болады.