Татамиде каратэ

Бүгін Орал қаласында каратэ спортынан облыстық чемпионат басталды. Оған қала мен облыс аудандарынан 150-ден астам споршы қатысып жатыр. Екі күнге созылатын жарыстың алғашқы күнінде 8 жастан 18 жасқа дейінгі жасөспірімдер күш сынасуда.

Ал ертең, жасы 18-ден асқан өрендер бағын сынайтын болады. Чемпионаттың ашылу салтанаты туралы келесі сюжетімізде.

Жалпы жаттықтырушылар карате спортына ерте жастан бастап әуестенген анағұрлым нәтижелі болатындығын айтады. Бұны бүгінгі жарыстан да байқау қиынға соқпайды. Чемпионаттың алғашқы күнінде көк кілемде күш сынасқандар қатары жасы 8-ден асқан балғындар болды. Бір қызығы олардың арасында бесіктен белі шықпаған бірқатар қыз балалар да бар.
Қыз балалардың басым бөлігі каратэге келу себептерін, қежет кезде өздерін қорғай білу, алуан түрлі елдерге шығып, түрлі таныстықтар қалыптастырумен түсіндірсе, ал ер балалар керісінше, көп жерлерге шығудан гөрі, қарсыласын құлатып, күш-жігерін молайту бағытында баратындарын айтады. Мәселен Артур Орынғалидің каратэге бет бұрғанына көп болмапты. Ал бүгін ол өзінің тұңғыш ірі жарысына қатысып отыр, жаттығу жұмыстарының жемісі ме, әйтеуір алғашқы сын Артур үшін сәтті аяқталыпты.

Ертең чемпионаттың екінші туры өткізіледі.Онда 18 жастан жоғары жасөспірімдер өнер көрсететін болады. Жаттықтырушылар сөзінше, облыстық чемпионаттың қыс айында өткізілуінің де өзіндік себебі бар. Өйткені аталмыш сыннан сүрінбей өткен спортшылардан мықтылары іріктеліп, республика құрамасы жасақталады деп жоспарланып отыр.