Бюджеттік жалақы

Қазақстанда бюджет саласындағы қызметкерлердің жалақысын 1-сәуірден арттыру үшін жалпы алғанда 150 млрд теңге керек, - деді республиканың еңбек және халықты әлеуметтік қолдау министрі Гүлшара Әбдіхалықова.

Қазақстанда бюджет саласындағы қызметкерлердің жалақысын 1-сәуірден арттыру үшін жалпы алғанда 150 млрд теңге керек, деді республиканың еңбек және халықты әлеуметтік қолдау министрі Гүлшара Әбдіхалықова.
"Биылғы жылы 1-шілдеден бастап жалақыны арттыру үшін 100 миллиард теңге жоспарланған болатын, демек жалақыны 1-сәуірден бастап арттыру үшін қосымша 50 миллиард теңге бөлінетін болады. Қазір экономика министрлігі нақты цифрлерді жинақтауда, бюджеттегілердің бәрінің де жалақысы арттырылатын болады.",-деді министр.
Естеріңізге сала кетелік, ел президенті Нұрсұлтан Назарбаев 29-қаңтарда Қазақстан халқына арнаған жолдауында бюджеттік ұйым қызметкерлерінің жалақысы мен стипендиялары 1-шілдеден емес, 1-сәуірден бастап 25 пайызға арттырылатынын айтқан болатын. Министр еске салып өткендей, елімізде зейнетақылар 1-қаңтардан бастап 25 пайызға өскен.