Батыс Қазақстан облысында көктемгі далалық жұмыстарға дайындық басталуда

Қазіргі таңда республикалық бюджеттен облыстың ауыл шаруашылығы саласына қомақты қаржы бөлініп, атқарылар жұмыстардың басты бағыттары белгіленді. Жылдағыдай мемлекет тарапынан ауыл шаруашылығына бөлінер субсидия көлемі де кемімеген.

Жер емген диқандардың жер игеру жұмыстарына дайындығы туралы тілшіміз Бағдад Ізмағанбет әңгімелейді.

Өткен жылғы қуаңшылық облыс диқандары үшін ауыр тиді. 2009 жылы жиналған 160 мың тонна бидайдың 56% жарамсыз деп танылған болатын. Былтыр облыста егін егуге 647 млн. көлемінде қаржы бөлінсе, биыл бұл сомма 532 млн көлемінде. мамандар сөзінше облыс көктемгі далалық жұмыстарына нық дайын көрінеді.

Биылғы жылы да мемлекет ауыл шаруашылығы саласына қомақты қаржы бөлініп, шаруа қожалықтарына субсидия бөлінуде. Мәселен егілетін дәнді ылғалдандыру мен оны сақтау мәселесіне бір қатар жеңілдіктер қарастырылуда. Шаруа қожалықтар өкілдерінің сөзінше жыл сайын өнім өндіруге бөлінген субсидияның пайдасы мол, алайда оралған бидайды саттыққа шығару мәселесі қиындауда. Тағы бір атап өтер жәйт дәндерді улайтын химиялық қоспалардың бағасының қымбаттығы. Көбіне бұл дәрілер көршілес РФ әкелінеді.