Елге оралар күн алыс емес

Тайландта қамауға алынған "ИЛ-76" экипаж мүшелерінің елге оралатын күні алыс емес. Өйткені, тай елінің бас прокуратурасы ұшқыштардың үстінен қылмыс іс қозғамау жөнінде шешім шығарды. Бүгінде отандастарымыз абақтыдан босатылып, көші-қон полициясының бөлімшесіне жеткізілген.

Тайландта қамауға алынған "ИЛ-76" экпипаж мүшелерінің елге оралатын күні алыс емес. Өйткені, тай елінің бас прокуратурасы ұшқыштардың үстінен қылмыс іс қозғамау жөнінде шешім шығарды. Бүгінде отандастарымыз абақтыдан босатылып, көші-қон полициясының бөлімшесіне жеткізілген. Тиісті құжаттар рәсімделіп бітсе, олардың елге оралатын күні нақты айқындалуы тиіс. Бұл туралы жаңа ғана біздің Астанадағы тілшілерімізге Сыртқы істер министрлігінің ресми өкілі Асқар Әбдірахманов мәлімдеді. Әйтсе де, 2 айға созылып үлкен халықаралық дау туғызған істің мән - жайы туралы толыққанды ақпарат әлі таратылмай отыр. Естеріңізге сала кетейік, өткен жылдың желтоқсан айында бортына 40 тонна қару-жарақ пен жарылғыш заттар тиеген әуе кемесі Банкок әуежайында тұтқындалған болатын. Экипаж мүшелерінің төртеуі Қазақстан, ал біреуі Беларусь азаматы. Ұшқыштар болса, бортқа қару-жарақтың тиелгенінен мүлдем бейхабар болған.