Мүдделі бірлестік

"Жинақ банкі" Акционерлік қоғамының еншілес банкі мен "Батыс-Самал" компаниясы тобы өзара мәмілеге келді. Бүгін бекітілген бас келісім құжатына сай енді "Жинақ банкі" мен оралдық компания бірлесе жұмыс жасайтын болады. Бүгінде еліміз бойынша оннан астам өзінің филиалын ашып үлгірген Жинақ банкі қаламызда жаңа ғимаратын ашып, пайдалануға берді.

Қала орталығынан бой көтерген жаңа ғимаратта банктік қызметтің барлық түрі көрсетілетін болады.

2009-жылы Жинақ банкінің активтері екі еседей өсіп, 221млрд.тг құрады. Заңды тұлғалардың салымдары 4 есеге дейін өсіп, 115млрд.тг жетті. ЕДБ арасында өзіндік орны бар бұл құрылымның қызметі туралы облыс басшылығы да оң пікірде.

Банктің жаңа филиалы қала орталығынан салынған кең әрі сәулетті ғимаратта орналасқан. Бұл банк қызметін пайдаланушылар үшін аса қолайлы болары анық.

Батыс-Самал компаниясы Жинақ банкімен бірге жұмыс жасағанына 14 жылдың жүзі болыпты. Осы мекеменің қызметкерлері бизнестегі серіктерінің сенімді екендігіне риза.

Қос компания арасындағы келісім - есеп айырысу-кассалық қызмет көрсетуге байланысты. Мұндай шарт тараптардың әкімшілік және операциялық шығындарын қысқартуға мүмкіндік береді. Бүгінгі таңда Жинақ банкінің 12 филиалдан және жүзден астам құрылымдық бөлімшеден тұратын филиалдық желісі бар. Банк басшылығы бұл желіні жетілдіріп, тұтас бір жүйеге айналдырмақ ниетте.

Қазақстандағы қаржы айналымымыз 200 млрд.тг асады, бір ғана Оралдың өзінде несие портфелі 4 млрд.тг құрап отыр. Бүгінде 10 мыңға тарта заңды тұлға, 50 мыңнан астам жеке азаматтар біздің қызметімізге жүгініп отыр. Бұл санның алдағы уақытта да көбейеріне сенімдімін.))