Биыл Батыс Қазақстан облысында дәнді дақылдардың егістік алқабы 574 мың гектарды құрамақ

Бұл егістік алқаптың 70 мың гектарына күздік бидай себіледі. Ал 504 мың гектар жаздық дақылдарға арналмақ. Соның ішінде 369 мың гектарға жаздық бидай егілмекші. Майлы дақыл көлемі 42 мың гектарды құраса, соның 26,6 мыңы күнбағыстың үлесінде.

Сол үшін 77 тонна тұқым даярлануы қажет болса, 50 тоннаға Украинаға тапсырыс берілген. Жалпы, өңірдің тұқымға сұранысы 53 мың тонна болса, іс жүзінде қамбаларға 54 мың тонна құйылып алынған. Соның 44,30 мыңы - жаздық бидай, 9,62 мың тоннасы - арпа, қалғаны - басқа дақылдар. Дегенмен, диқандар биылғы жылы астық түсімі мол боларынан үмітті. Бұған, қардың мол түсуі себепші дейді олар.