"Кербез" - көрме тақырыбы

Семейдегі облыстық тарихи-өлкетану мұражайында "Кербез" деген тақырыппен көрме ашылды. Қыш, шыны, фарфордан жасалған заттар халықтың назарына ұсынылды. Көрмеде болып қайтқан тілшіміз толықтырады.

Шығыс Қазақстан еліміздегі сәулет ескерткіштерінің көп жылғы тарихы бар өңірлердің бірі. Қыш, шыны, фарфордан жасалған бұйымдардан алғаш рет қаламыздағы тарихи-өлкетану мұражайында көрме ұйымдастырылып отыр. Көрменің "Кербез" аталуы қойылған заттардың ерекшелігімен, құндылығымен, әдемілігімен үйлесуінде болса керек.

СНХ: Ләззат Әлжанова
ғылыми зерттеу бөлімінің меңгерушісі

Көрмеге қойылған керамикалық ыдыстар темір дәуірінің бастапқы кезеңіне жататын заттар, негізінен облыс өңірінен табылған. Мысалы, Бесқарағай ауданының өңірінен табылған шырақ, қыш құмыралар, археологиялық экспедиция нәтижесінде Новошульба ауданының аумағынан табылған қола дәуіріне жататын керамикалық ыдыстар қойылған. Ең алғашқы фарфор ыдыстар Қытайда пайда болған. Олар әсемдігімен, көлемінің әр түрлілігімен, адамдар мен жануарлар, құстар мен өсімдіктердің бейнесі шебер өрнектелгенімен ерекшеленеді.

СНХ: Ләззат Әлжанова
ғылыми зерттеу бөлімінің меңгерушісі

Көрмеге қатысуға атсалысқан қала тұрғындары өздерінің қыштан, шыныдан, фарфордан жасалған сирек кездесетін заттарын әкелген. Олардың ішінде шыны графиндер, әр түрлі көлемдегі ыдыстар, жеміс және кондитерлік тағамдар салатын вазалар, шәйнек, сүт сауыты, қант салғыш, түрлі статуэткалар бар. Кейбір заттар мұражайға сыйға тартылды.

Назым Зейнеғабылқызы, Саят Тастанов ШАБ