«Сен туған қалаң үшін не істедің?»

Орал қаласында «Сен туған қалаң үшін не істедің?» атты іс-шара қолға алынды. Бұл бастаманы Орал қаласы әкімдігі ұйымдастырып отыр. Бұл істің басты мақсаты - шаһарды абаттандыру болып отыр. Байқауға бергісіз шараға әрбір тұрғын өз үлесін қоса алады. Тұрғындардан түскен хаттар мен өтініштерді қабылдау ісі небары он күнге созылмақ.

Сондықтан, жеңімпаз атанудан үміткерлердің кеш қалмағаны жөн. Келесі бейнематериалда.

Бұл шараға әр тұрғын қатыса алады. Ол үшін көне шаһардың келбетін көркейтіп, жаңарту ісіне үлес қосуы тиіс. Күн жылынып, көктем келе тал-терек еккен тұрғындармен қатар, өздеріне қарасты аумақты таза ұстаған кәсіпорын-мекемелер де қатыса алады. Бірақ, өздері жасаған жұмыстар жөнінде тұрғындар фотосурет, бейнематериалдар немесе жазбаша жіберуі тиіс.

Роза Зайнуллина
ТИТР: бас маман
Бәрінің де құқы бар.))

Мұндай шара қаламызда алғаш рет қолға алынып отыр. Мақсат белгілі - шаһарды шырайлы да, көрікті мекенге айналдыру.

ТИТР: қала тұрғыны
- Мен өз артымды тазалап жүрем.))

Көше бойындағы орындықтар мен телефон дүңгіршектерін қираптып, автобус аялдамаларына өздерінің қолтаңбасын қалдыруға әуес тентектерге тыйым табылады деген сенім бар. Біз сөзге тартқан тұрғындардың барлығы дерлік алдымен қала тазалығын сөз етті. Бұл пікір қала тазалығы жүктелген жауапты саланың мүмкіндігі шектеулі екендігін көрсетсе керек. Демек, денсаулық пен салауатты өмір кепілі болар тазалық баршаның ортақ міндеті. Бұл шара он күнге созылады. Ал өзінің туған қаласы үшін жасаған жұмысын жария етем деушілер болса, қамданғаны жөн. Байқауға бергісіз акцияда жеңімпаз болып танылғандарды түрлі бағалы сыйлықтар күтіп тұр.