Үкімет Қазақстанның таяудағы бес жылға арналған серпінді индустриялық-инновациялық дамуы жөніндегі бағдарламаны қабылдады

Бүгінде бұл бағдарлама қабылданып, мемлекет басшысының қол қоюына жіберілді. Индустрия және сауда министрі Әсет Исекешевтің мәліметінше, бұл бағдарламаны жүзеге асыру нәтижесінде Қазақстан 2014-жылы үлкен нәтижелерге қол жеткізеді.

Мысалы, жалпы ішкі өнімнің өсімі 2008-жылғы деңгейге шаққанда 50%-ға, еңбек өнімділігі өңдеу өнеркәсібінде 50%-ға, экономиканың жекелеген секторларында 100%-ға өсіп, шикізаттан басқа экспорттың үлесі 40%-ға дейін жетеді, жалпы ішкі өнімнің энергетикалық сыйымдылығы 2008-жылғы деңгейге шаққанда 10%-ға, жұмыс істеп жатқан инновациялық кәсіпорындардың үлесі 10%-ға дейін ұлғаяды. Күні бүгін еліміздің серпінді индустриялық-инновациялық дамуы жөніндегі бағдарламаны дамыту аясында индустрияландыру картасын қалыптастыру механизмі жасалған. Республикалық карта аясында қазіргі уақытта 6,4 трлн теңгенің 97 жобасы мақұлданған. Жаңадан 64,3 мың жұмыс орны құрылады, - деді Әсет Исекешев. Министрдің хабарлауынша, бұған қоса "Қазақстанның металлургия саласында биыл жалпы құны 327 млрд теңгенің 23 жобасы іске қосылады".