Бокстен қалалық чемпионат басталды

Бүгін Семейде спорттың олимпиадалық түрінен ШҚО-тық балалар мен жасөспірімдер спорт мектебінде бокстен дәстүрлі қалалық чемпионат басталды. Оған Семейден және қалаға жақын аудандар мен Өскемен, Зырян, Риддер қалаларынан 100-ге тарта боксшылары қатысуда.

Жыл сайын өткізілетін дәстүрлі чемпионатта жас спортшылармен қатар байрақты бәскелерде топ жарып жүрген тәжірибелі боксшілер де шаршы алаңға шығып, жарыстың көркін қыздыруда. 11 салмақ дәрежесі бойынша өтіп жатқан чемпионаттың жас спортшыларға тәжірибе жинауда айтарлықтай маңызы бар екені сөзсіз. Бапкерлер де солай дейді.

СНХ:Азат Мамаев
Спорт мектебінің аға жаттықтырушысы

Семей боксын өркендетуге үлес қосып келе жатқан жаттықтырушы Жанболат Жұмағұлов Сирияда 2 жыл бапкерлік қызмет атқарып келді. Ол осындай жарыстарда жаңа есімдер танылып, қаланың құрама командасына алынатынын айтады. Семейде дарынды боксшілер баршылық. Сондай талантты жастардың бірі, халықаралық жарыстарда топ жарып жүрген Әділет Елгезеков.

СНХ: Әділет Елгезеков
Халықаралық дәрежедегі спорт шебері

Жарыс 26-шы ақпанға дейін созылады. Жеңіске жеткен спортшылар бағалы сыйлықтармен, мақтау қағаздарымен марапатталады.

Ерзат Жанатұлы, Нұркен Тоқмурзин, ШАБ.