Орал қаласының биылғы бюджеті 15 млрд. 533 млн. теңгені құрады

Бүгін Орал қалалық Мәслихатының кезектен тыс 26-сессиясы өтті. Бұл сессияда жергілікті халық қалаулылары шаһар бюджетін нақтылап, бекітті. Осылайша, Орал қаласының биылғы бюджеті 15 млрд. 533 млн. тг құрап отыр. Өткен жылдың бюджеті 99% орындалғанына риза депутаттар жылдың соңына дейін қомақты қаражаттың мақсатты игерілетініне сенімді.

Бюджеттің табыс бөлігі 2 млрд. 64 млн.тг шамасында көбейіп отыр. Бұл қаражат білім беру, мәдениет және тілдерді дамыту бөліміне, жұмыспен қамту және әлеуметтік бағдарламалар бөліміне, қаржы бөліміне бөлінбек. Сәулет және қала құрылысы бөлімі мен тұрғын үй-коммуналдық шаруашылығы және автокөлік жолдары бөлімі ді мол қаржыдан құр қалмаған. Биыл облыс орталығындағы жолдар жөнделеді. Сырым Датұлы көшесінен Қызылжар көшесіне дейінгі аралық қайта жаңғырады. Бұл іске 207 млн.тг қаражат қарастырылып отыр.
Әнуарбек Қабашев
Көп ақша береді. Соны игеру керек.))

Мемлекеттік идеологияны насихаттау ісіне биыл қала бюджетінен 4 млн.тг қарастырылып отыр. Бұл қаржыға "Жергілікті уақыт" атты телехабар ұйымдастырылмақ. Ұлттық және бұқаралық спорт түрлерін дамыту да ескерілген.

Борис Чебаков
ТИТР: депутат
- Қосымша білім беру бойынша, 1 780 мың тг көлеміндегі қаражатты оқушылардың жазғы демалысын ұйымдастыру үшін қарастырып отырмыз, Бұл ақшаға Шалқар көлі жанынан ғимарат сатып алынатын болады. Балдырғандар жақсы тынығуы үшін бұл да жақсы мүмкіндік. Бұған қоса, мектеп оқушыларын түскі аспен қамтуға да қаражат қарастырдық.))

Күн тәртібінде қаралған екінші мәселе Орал қаласының құрметті азаматы атағын Смағұлов Нұрғали Балдақұлына беру керектігін депутаттар бірауыздан мақұлдады. 1910-жылы дүниеге келген Нұрғали Балдақұлы прокуратура органдарында 35 жылға жуық қызмет еткен. Қазір еңбек демалысына шыққан қария Алматы қаласында тұрады. Ал алдағы наурыз айында ол 100 жасқа толады.