Көңілді отырыстың ақыры

Жуырда Батыс Қазақстан облыстық мамандандырылған ауданаралық сот мас күйінде адам өлтірген азаматшаны 7 жыл бас бостандығынан айыруға үкім шығарды. Тексеру барысында анықталғандай, азаматша Ефремова өз пәтерінде тұратын азаматпен және одан өзге екі танысымен арақ ішкен.

Көңілді отырыстың ақыры ішімдікке мас болған таныстардың арасында пайда болған ұрыс-керіске жалғасады. Осы жанжал кезінде азаматша Ефремова танысы Поздиевті пышақтап тастаған. Танысына 5 мәрте пышақ тығып, жарақаттайды. Кейін ауыр соққыдан көз жұмған азаматтың мүрдесін қылмыскер өз сыбайласымен бірігіп, қала аймағындағы жылу құбырына лақтырып тастап, ол жерден бой тасалайды.
Тәртіп сақшылары жүргізген шұғыл іздестіру жұмыстары нәтижесінде күдіктілер бірден қолға түсіп, оның кінәсін дәлелдейтін сан түрлі айғақтар арнайы сараптамалардан соң, соттың қарауына жөнелтіледі. Ағымдағы жылдың 22-ақпанында мамандандырылған ауданаралық сот Ефремованы кінәлі деп тауып, оған жазасын жалпы түрдегі түзету колониясында өтеу туралы үкім шығарды.