Миссионерлік уағыз

Тараз қаласындағы облыстық ақыл - ойы кем балалар мектеп интернатында миссионерлер ойларына келгенін істеп жүр. Өйткені «Ерик» деп аталатын кәріс шіркеуінің уағызшылары интернатқа емін -еркін кіріп оқушылардың санасын улайтын діни дәріс оқуды әдетке айналдырған. Ал,олардың дәріс оқуына білім ордасының директоры рұқсат етіпті.

Бұған қарсы болған ата-аналар мен ұстаздар қауымы Жамбыл облыстық білім басқармасына шағымданғанымен, шенеуніктерден еш қайыр болмапты. Сондықтан онсызда тағдырдың қатал сынына ұшыраған кемтар балалардың ата -аналары депутат Бекболат Тілеуханға арызданған. Бүгін халық қалаулысы білім және ғылым министрінің атына сауал жолдап, миссионерлерді тайраңдатып қойған жауапты тұлғаларды жауапқа тарту қажеттігін мәлімдеді.