Биыл дихандар жанар - жағармайдан тапшылық көрмейтін болады

Өйткені, мемлекет оларға көктемгі тұқым себу науқаны кезінде арзандатылған бағамен отын жеткізіп беруге келісті. Естеріңізге сала кетейік, жақында Үкімет «Мұнай өнімдерінің жекелеген түрлерін өндіру және айналымын мемлекеттік реттеу туралы» заң жобасын мақұлдаған болатын.

Жаңа өзгеріске сай шаруаларға жанармайды нарықтағы құнмен сатып алу міндеттелген еді.
Алайда, ауылшаруашылық министрі Ақылбек Күрішбаев бұған үзілді - кесілді қарсылық танытқаны белгілі. Себебі министрдің айтуынша, отын нарықтағы бағамен сатылған жағдайда, жұмсалатын шығынды мемлекет 20-40 млд теңгеге субсидиялау керек. Ал Үкіметте болған үлкен пікірталастан кейін , бұл тығырықтан шығудың жолы табылды. Соған сай дихандар арзан жанармайға қол жеткізетін болды.
((КӘРІМ МӘСІМОВ - ҚР ПРЕМЬЕР - МИНИСТРІ
Арзан жанармайдың шаруаларға жетуін қатаң қадағалау қажет. Әйтпесе, бас пайдасын ойлайтын ортадағы делдалдар отынды жаппай сатып алып, кейін нарықтағы бағамен дихандарға қайта қымбатына сатуы мүмкін. Бұған жол бермесі үшін «Нұр - Отан» партиясы жанынан қоғамдық комиссия құру қажет.))