Елімізде көлік ұрлаушылар көбейіп барады

Көп жағдайда баукеспелер нысанаға шетелдік маркілі машиналарды алып, оны заңсыз айдап әкетіп отырған. Тіпті қандықол қарақшылар темір тұлпарды иелену үшін жүргізушілерді өлтіруден де, тайынбайтын болыпты.

Ал жиілеп кеткен мұндай оқиғалардың жолын кесу үшін Ішкі Істер Министрлігі жақында арнайы операция өткізіп, біраз былықтың бетін ашты.
МӘТІН: Машина ұрлаудың жаңа түрі оңтүстік астанада пайда болды. Өйткені, Алматыда ұйымдасқан топ мүшелері көліктерді жергілікті компаниядан белгілі бір уақытқа жалға алып, кейін іздерін жасырып отырған.

ҚУАНЫШБЕК ЖҰМАНОВ - ІІМ РЕСМИ ӨКІЛІ

МӘТІН: Ал Шымкент қаласында болған жантүршігерлік қанды оқиға тұрғындарды дүр сілкіндірді. Өйткені, қандықол қарақшылар «Опель - Вектра» машинасын иемдену үшін жүргізушіні азаптап өлтірген. Міне, мына бейнекөріністе 19 жасар 2 жас жігіт қылмысты қалай жасағандарын мойындап тұр. Ал бозбалалар кісі өлтіргендерін полицейлерге еш қиналмастан баяндап берді.

ИНТЕРШУМ...

МӘТІН: Марқұм жол бойында көлік тоқтатқан азаматтарды ақысына діттеген жеріне апармақ болған. Бірақ, жолаушыларының арам ниетін білмесе керек.

ҚУАНЫШБЕК ЖҰМАНОВ - ІІМ РЕСМИ ӨКІЛІ

МӘТІН: 4 күнге жалғасқан арнайы шара кезінде бұрын ұрланған 41 көлік иесіне қайтарылды. Оның жетеуі құны қымбат шетелдік темір тұлпарлар. Енді баукеспелердің жолын кесу үшін Ішкі Істер министрлігі мұндай операцияны ұдайы ұйымдастырып тұрмақ.